Email: Info@mintradefer.gov.tm
 

«Aşgabat 2017»-niň tagam hyz­mat­la­ry

Bir aý­dan gow­rak wagt­dan Aş­ga­bat­da ge­çi­ril­jek Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ryn­da ta­gam hyz­mat­la­ry­ny göw­ne­jaý gur­na­mak­ly­ga-da örän uly äh­mi­ýet be­ril­ýär. Myh­man­lar oýun döw­rün­de türk­men mil­li ta­gam­la­ryn­dan baş­lap, dün­ýä aş­ha­na­sy­nyň aý­ry­baş­ga lez­zet­le­rin­den dat­ma­ga müm­kin­çi­lik alar­lar. 
Be­den­ter­bi­ýe we sport bi­len meş­gul­lan­ýan adam­la­ryň ga­zan­ýan üs­tün­lik­le­ri, bel­li bir de­re­je­de, ola­ryň ka­da­ly iý­mit­le­ni­şi­ne bag­ly­dyr. Hal­ka­ra de­re­je­sin­de ge­çi­ril­ýän her bir sport ýa­ryş­la­ryn­da tür­gen­le­riň, myh­man­la­ryň gö­wün is­leg­le­ri­ne gö­rä na­har­lan­ma­gy üçin äh­li ze­rur şert­ler dö­re­dil­ýär. Mu­nuň şeý­le­di­gi­ne, hä­zir­ki wag­ta çen­li dün­ýä ýü­zün­de ge­çi­ri­len Olim­pi­ýa oýun­la­ry hem şa­ýat­lyk ed­ýär.
Bu ba­bat­da my­sal­la­ra ýüz­le­ne­liň:
 2014-nji ýyl­da Rus­si­ýa Fe­de­ra­si­ýa­syn­da il­kin­ji ge­zek Gyş­ky Olim­pi­ýa oýun­la­ry ge­çi­ril­di. Bu Olim­pi­ýa oýun­la­ry­na 88 ýurt­dan tür­gen­ler gat­na­şyp, ola­ra ta­gam­la­ryň 600-e go­laý, to­ma­şa­çy­la­ra 300-e go­laý gör­nü­şi hö­dür­len­di. 
 2013-nji ýyl­da Rus­si­ýa Fe­de­ra­si­ýa­sy­nyň Ka­zan şä­he­rin­de ge­çi­ri­len uni­wer­sia­da 11500 tür­gen gat­na­şyp, ola­ryň bir gü­nüň do­wa­myn­da 5 ki­log­ram möç­be­rin­de (5000 ki­lo­ka­lo­ri­ýa­dan yba­rat) dür­li ta­gam­lar bi­len iý­mit­le­nen­di­gi mä­lim­dir. Uni­wer­sia­da­da bäş ugur bo­ýun­ça ta­gam taý­ýar­la­nyp, olar Ýew­ro­pa (55%), Azi­ýa ta­gam­la­ry (16%), mil­li ta­gam­lar (5%), ha­lal (12%) we we­ge­te­ri­an ta­gam­la­ry (11%) bol­dy. 

2013-nji ýy­lyň sent­ýab­ryn­da Ko­re­ýa­nyň Inç­hon şä­he­rin­de ge­çen Azi­ýa oýun­la­ryn­da 4 ugur bo­ýun­ça — Gün­ba­tar, Azi­ýa, ha­lal we Ko­reý ta­gam­la­ry taý­ýar­lan­dy. Olar 5 gün­den bir ge­zek üýt­ge­di­lip, 24 sa­ga­dyň do­wa­myn­da he­re­ket et­di. Na­har­ha­na­da bir wag­tyň özün­de 3500 adam na­har­la­nyp bi­lip­dir.  

Ýur­du­myz­da hor­mat­ly Pre­zi­den­ti­mi­ziň ta­gal­la­la­ry ne­ti­je­sin­de yzy­gi­der­li gur­lup ula­nyl­ma­ga be­ril­ýän sport des­ga­la­ry dün­ýä jem­gy­ýet­çi­li­gi­niň ün­sü­ni türk­men top­ra­gy­na gö­nük­dir­di. Hal­ka­ra sport baý­ram­çy­ly­gy my­na­sy­bet­li gur­lan Olim­pi­ýa şä­her­ji­gi­niň er­te­ki­ler­dä­ki ýa­ly kal­by­ňy ruh­lan­dy­ry­jy keş­bi her bir wa­tan­da­şy­my­zyň göw­nü­ne ga­nat bag­lat­dy. «Aşgabat 2017»-ä gat­naş­jak ýurt­lar­dan ga­dy­my türk­men top­ra­gy­na gel­jek myh­man­la­ryň gü­ler ýüz­li, duz-çö­rek­li gar­şy alyn­ma­gy üçin gö­rül­ýän ýo­ka­ry taý­ýar­lyk hal­ka­ra sport baý­ram­çy­ly­gy­nyň üs­tün­lik­li geç­jek­li­gi­niň ala­ma­ty­dyr. Aş­ga­bat­da ge­çi­ril­jek Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň gu­ra­ma­çy­lyk iş­le­ri ta­la­ba­la­ýyk ýe­ri­ne ýe­ti­ril­di. Oýun döw­ri iň esa­sy üns be­ril­ýän ugur­la­ryň bi­ri bo­lan ta­gam hyz­mat­la­ry­ny ýo­la goý­mak işi has ir­räk baş­lan­dy. 
 2014-nji ýy­lyň 8–10-njy ap­re­lin­de Türk­me­nis­tan­da, «Awa­za» mil­li sy­ýa­hat­çy­lyk zo­la­gyn­da «Aşgabat 2017-niň ta­gam­la­ry» at­ly hal­ka­ra okuw mas­la­ha­ty we ser­gi ge­çi­ril­di. On­da Türk­me­nis­tan bi­len bir­lik­de Ga­za­gys­tan, Öz­be­gis­tan, Tür­ki­ýe, Ger­ma­ni­ýa, Rus­si­ýa Fe­de­ra­si­ýa­sy, Be­la­rus, Be­ýik Bri­ta­ni­ýa, Bir­le­şen Arap Emir­lik­le­ri, Azer­baý­jan, Fi­lip­pin­ler, Hin­dis­tan, Pa­kis­tan, Hy­taý, Ita­li­ýa, Ko­re­ýa, Ýa­po­ni­ýa, Ma­laý­zi­ýa, Tai­land ýaly ýurt­la­ryň mil­li ta­gam­la­ry, ola­ry taý­ýar­la­ma­gyň, sa­ça­ga äber­me­giň usul­la­ry be­ýan edil­di. 
Hä­zir­ki dö­wür­de türk­men aş­ha­na­sy­nyň ägirt uly müm­kin­çi­lik­le­ri bar. Ol beý­le­ki mil­let­le­riň aş­ha­na me­de­ni­ýe­ti­niň, şol bir wag­tyň özün­de ta­gam taý­ýar­la­ma­gyň ösü­şi bi­len berk bag­la­ny­şyk­ly­dyr. 
 Gel­jek­de bu hal­ka­ra çä­re­si bi­ziň ýur­du­myz üçin sport ýa­ryş­la­ry­ny gu­ra­mak­da uly tej­ri­be bo­lar. Ýur­du­myz­da ge­çi­ril­jek bu sport baý­ram­çy­ly­gy me­de­ni­ýet­le­riň we dost-do­gan­ly­gyň to­ýu­na öw­rü­ler. Dün­ýä­niň dür­li ýurt­la­ryn­dan gel­jek myh­man­lar türk­men top­ra­gyn­da bir sup­ra­nyň ba­şy­na jem bo­lar­lar. Ola­ra be­re­ket­li top­ra­gy­myz­da ön­ýän dat­ly mi­we­ler­dir gök önüm­ler, mil­li ta­gam­la­ry­myz hö­dür­le­ner. 
Şeý­le­lik­de, dün­ýä halk­la­ry türk­me­niň bag­ty­ýar­ly­gy­na, je­bis­li­gi­ne, ag­zy­bir­li­gi­ne ýe­ne bir ýola göz ýe­ti­rer­ler.

Daýanç DURDYÝEW,
V Azi­ýa oýun­la­ry­na taý­ýar­lyk gör­mek ba­ra­da­ky ýe­ri­ne ýe­ti­ri­ji ko­mi­te­tiň iýmit bilen üpjün etmek we arassaçylyk bölüminiň baş hünärmeni.

 

Kärhanalarymyz

Reklama

KOMPÝUTER tilsimaty merkezi

Tel: +993 12 93 40 50 Faks: +993 12 93 40 60 Sal­gy­sy: Aş­ga­bat ş. Mag­tym­gu­ly şa­ýo­ly, 111 «A» jaý. E-ma­il: tdsoft@on­li­ne.tm, Web­saýt: www.cct.com

«Türkmenetsüýtsöwda» döwlet lomaý-bölek söwda firmasy ýokary hilli et-ýapma we şöhlat önümlerini amatly bahalardan satýar.

Salgysy: Aşgabat şäheriniň Şamämmet Suhangulyýew (1930) köçesiniň 1-nji jaýy

Tel: 76-02-22; 76-04-73. Faks: 76-19-05.