Email: Info@mintradefer.gov.tm
 

RÖWŞEN GELJEGE AHALTEKE BEDEWINIŇ BADY BILEN

30-njy ap­rel­de Hal­ka­ra ahal­te­ke atçylyk sport toplumynda hor­mat­ly Pre­zi­den­ti­mi­ziň gat­naş­ma­gyn­da Türk­men be­de­wi­niň baý­ra­my­na ba­gyş­la­nan da­ba­ra­lar ge­çi­ril­di. Be­hiş­di be­dew­le­riň was­py­ny dün­ýä ýa­ýan bu da­ba­rala­ryň do­wa­myn­da ahal­te­ke at­la­ry­nyň ara­syn­da gu­ra­lan at ça­py­şyk­lar has-da özü­ne­çe­ki­ji bol­dy. Ça­py­şyk­la­ryň je­mi bo­ýun­ça öňe saý­la­nan be­dew­le­re hor­mat­ly Pre­zi­den­ti­mi­ziň adyn­dan pul baýraklary gow­şu­ryl­dy. Ber­ka­rar döw­le­ti­mi­ziň bag­ty­ýar­lyk döw­rün­de at­çy­lyk pu­da­gyn­da ýe­ti­len sep­git­ler baý­ram­çy­lyk da­ba­la­ry­na gat­na­şan her bir adam­da, şol san­da da­şa­ry ýurt­ly myh­man­la­ry­myz­da ahal­te­ke at­la­ry­na bo­lan buý­san­jy art­dyr­dy. 
Türk­men be­de­wi­niň baý­ra­my my­na­sy­be­tli ge­çi­ril­ýän da­ba­ra­la­ryň bi­ri hormatly Pre­zi­den­ti­miz Gurbanguly Berdimuhamedowyň baş­lyk­lyk et­me­gin­de ge­çi­ri­len Hal­ka­ra ahal­te­ke at­çy­lyk as­so­sia­si­ýa­sy­nyň VII mej­li­si­dir. Ol 27-nji ap­rel­de ge­çi­ri­lip, şol gün öz işi­ni üs­tün­lik­li ta­mam­la­dy. 
2010-njy ýyl­da dö­re­di­len, ştab-kwar­ti­ra­sy Aş­ga­bat­da ýer­leş­ýän Hal­ka­ra ahal­te­ke at­çy­lyk as­so­sia­si­ýa­sy hä­zir­ki wagt­da dür­li ýurt­la­ryň aras­sa gan­ly ahal­te­ke be­dew­le­ri­ni kö­pelt­mek, bu to­hu­my kä­mil­leş­dir­mek, onuň aja­ýyp to­hum­çy­lyk we sport hä­si­ýet­le­ri­ni ös­dür­mek bi­len meş­gul­lan­ýan at­çy­la­ryň öza­ra gat­na­şyk­la­ry­nyň ne­ti­je­li meý­dan­ça­sy­na öw­rül­di. 
Ka­şaň “Oguz­kent” myh­man­ha­na­sy fo­ru­ma gat­na­şy­jy­la­ry we myh­man­la­ry baý­ram­çy­lyk ly­ba­syn­da gar­şy­la­dy. Döw­let Baş­tu­ta­ny­myz mej­li­siň işi­ne gat­na­şyp, ol ýer­de söz söz­le­di. Hor­mat­ly Pre­zi­den­ti­mi­ziň çy­ky­şy fo­ru­ma gat­na­şy­jy­lar we myh­man­lar ta­ra­pyn­dan uly üns bi­len diň­le­nil­di we şow­hun­ly el­çar­pyş­ma­lar bi­len gar­şy­lan­dy.
 *** 
28-nji ap­rel­de Türk­men be­de­wi­niň baý­ra­my­nyň öňü­sy­ra­syn­da Hal­ka­ra ahal­te­ke at­çy­lyk sport top­lu­myn­da ýet­gin­jek ça­pyk­su­war­la­ryň bäs­le­şi­gi ge­çi­ril­di. Bu at­çy­lyk sport top­lu­myn­da ýet­gin­jek ça­pyk­su­war­la­ryň bäs­le­şi­gi­niň ge­çi­ril­me­gi mil­li at­şy­nas­ly­gyň köpasyr­lyk şöh­rat­ly däp­le­ri­ni do­wam et­dir­mä­ge ýar­dam ed­ýär. Da­şa­ry ýurt­ly myh­man­lar,  Türk­men be­de­wi­niň baý­ra­my my­na­sy­bet­li ge­çi­ril­ýän da­ba­ra­ly çä­re­le­re gat­na­şy­jy­lar hem mu­nuň şeý­le­di­gi­ne göz ýe­tir­di­ler. Olar 600 aty ös­dü­rip ýe­tiş­dir­mä­ge ni­ýet­le­nen Hal­ka­ra ahal­te­ke at­çy­lyk sport top­lu­my we bu ýer­de ýo­la goý­lan iş­ler bi­len iç­gin tan­şan­la­ryn­dan soň, nus­ga­lyk de­re­je­de gur­lan Aba An­na­ýew oba­sy­na ba­ryp gör­dü­ler. 
*** 
 29-njy ap­rel­de Türk­me­nis­ta­nyň Pre­zi­den­ti­niň Ahal­te­ke at­çy­lyk top­lu­myn­da “Ýy­lyň iň owa­dan ahal­te­ke be­de­wi” at­ly hal­ka­ra gö­zel­lik bäs­le­şi­gi­niň hem-de be­hiş­di be­dew­le­riň gö­zel­li­gi­ni çe­per be­ýan et­mek ug­run­da su­rat­keş­le­riň, heý­kel­ta­raş­la­ryň, ha­ly­çy­la­ryň, zer­gär­le­riň, fo­to­su­rat­çy­la­ryň, ne­şir­ýat iş­gär­le­ri­niň, di­zaý­ner­le­riň, te­leo­pe­ra­tor­la­ryň ara­syn­da yg­lan edi­len dö­re­di­ji­lik bäs­le­şi­gi­niň ýe­ňi­ji­le­ri­ni sy­lag­la­mak da­ba­ra­sy bol­dy.
Hor­mat­ly Pre­zi­den­ti­mi­ziň aw­tou­la­gy Ahal­te­ke at­çy­lyk top­lu­my­na ge­lip sak­lan­dy. Bu ýer­e ýyg­na­nan­lar döw­let Baş­tu­ta­ny­my­zy şow­hun­ly el­çar­pyş­ma­lar bi­len gar­şy­la­dy­lar.
 Alyp­ba­ry­jy da­ba­ra­nyň baş­la­nan­dy­gy­ny yg­lan ed­ýär. At­çy­lyk ul­ga­my­ny ös­dür­mek ba­ra­da yzy­gi­der­li ala­da ed­ýän­di­gi, türk­men be­dew­le­ri­ne we ola­ryň bü­tin dün­ýä­de şan-şöh­ra­ty­ny art­dyr­ma­ga aý­ra­tyn üns ber­ýän­di­gi üçin çäk­siz ho­şal­ly­gyň ny­şa­ny hök­mün­de döw­let Baş­tu­ta­ny­myz­dan ahal­te­ke be­dew­le­ri­ni sow­gat al­ma­gy­ny ha­ýyş ed­ýär­ler. Soňra alyp­ba­ry­jy hor­mat­ly Pre­zi­den­ti­miz­den  ýur­du­my­zyň äh­li at­şy­nas­la­ry­nyň adyn­dan sow­ga­dy ka­bul et­me­gi­ni ha­ýyş ed­ýär. Meý­dan­ça­da aja­ýyp be­dew peý­da bol­ýar. Türk­me­nis­ta­nyň halk at­şy­na­sy, Hal­ka­ra ahal­te­ke at­çy­lyk sport top­lu­my­nyň seý­si Baý­ram­gel­di Hy­dy­row hor­mat­ly Pre­zi­den­ti­mi­ze 2015-nji ýyl­da dog­lan Gu­jur­ly at­ly be­de­wiň pas­por­ty­ny gow­şur­ýar. Ol Güýç­na­zar we Kiş­mi­ri di­ýen at­la­ryň nes­lin­den­dir.
Hor­mat­ly Pre­zi­den­ti­miz ata at­lan­ýar hem-de be­dew bi­len bir­nä­çe öw­rüm edip, ata erk et­me­giň us­sat­ly­gy­ny gör­kez­ýär. At ça­pyk­su­wa­ryň em­ri­ne ma­ýyl bo­lup, dür­li he­re­ket­le­ri ýe­ri­ne ýe­tir­ýär we to­ma­şa­çy­la­ry haý­ran gal­dyr­ýar. To­ma­şa­çy­la­ryň şow­hun­ly el­çar­pyş­ma­la­ry as­tyn­da döw­let Baş­tu­ta­ny­myz at­dan düş­ýär we öz ýe­ri­ne bar­ýar.
Soň­ra alyp­ba­ry­jy ha­ly­pa ça­pyk­su­war­la­ryň gat­naş­ma­gyn­da at ça­py­şyk­la­ry­nyň ge­çi­ril­ýän­di­gi­ni yg­lan ed­ýär. Ça­py­şy­ga Ahal­te­ke at­çy­lyk top­lu­my­nyň seý­si Mak­sat­my­rat Aga­my­ra­dow özü­niň Bar­se­nal di­ýen be­de­wi hem-de At­ça­par Ba­ja­mow Gyr­gy di­ýen aty bi­len gat­naş­ýar. Bal­kan we­la­ýa­ty­na Baý­my­rat Mäm­me­dow Gud­rat­ly at­ly be­de­wi, Da­şo­guz we­la­ýa­ty­na se­ýis Tä­ze­baý Go­şa­ba­ýew Al­çe­pe at­ly be­de­wi bi­len we­kil­çi­lik ed­ýär. Şeý­le hem ça­py­şy­ga Le­bap at­çy­lyk sport top­lu­my­nyň hü­när­me­ni Ro­zy­my­rat Gur­ba­now Kö­pe­ler di­ýen be­de­wi we Ma­ry we­la­ýa­ty­nyň döw­let at­ha­na­sy­nyň at­ba­ka­ry Bä­şim Ro­zy­ýew Pä­him­li di­ýen be­de­wi bi­len gat­naş­ýar­lar.
...Soň­ra meý­dan­ça Mi­ras at­ly be­de­w çy­karyl­ýar. Onuň öňün­den hor­mat­ly Pre­zi­den­ti­mi­ziň ag­ty­gy Ke­rim­gu­ly bar­ýar. Ol 2015-nji ýyl­da ýet­gin­jek ça­pyk­su­war­la­ryň ara­syn­da ge­çi­ri­len bäs­le­şik­de il­kin­ji ýe­ňi­ji bol­dy. Mil­li Li­de­ri­mi­ziň baş­lan­gy­jy bo­ýun­ça şeý­le ýa­ryş­lar in­di ýur­du­myz­da yzy­gi­der­li ge­çi­ril­ýär.
Hor­mat­ly Pre­zi­den­ti­miz be­de­wi bi­len ha­ly­pa ça­pyk­su­war­la­ryň to­pa­ry­na go­şul­dy. Ça­py­şy­ga ba­dal­ga ber­len ba­dy­na be­dew­ler öňe ok­du­ryl­dy. Ýel­den ýyn­dam be­dew­le­riň ara­syn­da çe­ke­le­şik­li ýa­ryş do­wam et­di. 7-nji bel­gi­de çy­kyş ed­ýän mil­li Li­de­ri­miz iň soň­ky öw­rüm­de aty­nyň ba­dy­ny has güýç­len­dir­di we öňe saý­la­nyp baş­la­dy, soň­ra bol­sa beý­le­ki ha­ly­pa ça­pyk­su­war­lar­dan ara­ny has-da aç­dy hem-de haý­ran gal­dy­ry­jy ne­ti­je bi­len pel­le­ha­na gel­di. Ne­ti­je – 1 mi­nut 25 se­kunt!
 Öň­den gel­ýän dä­be gö­rä, ýa­şu­lu­lar ça­py­şyk­da il­kin­ji bo­lup ge­len atyň boý­nu­na gy­ňaç daň­dy­lar, ar­ka­sy­na aja­ýyp ha­ly ýap­dy­lar.
Soň­ra alyp­ba­ry­jy “Ýy­lyň iň owa­dan ahal­te­ke be­de­wi” at­ly hal­ka­ra gö­zel­lik bäs­le­şi­gi­niň jem­leý­ji tap­gy­ry­nyň baş­lan­ýan­dy­gy­ny yg­lan et­di. Bäs­le­şi­giň jem­leý­ji tap­gy­ry­na çy­kan iň go­wy ahal­te­ke be­dew­le­ri­niň ser­gi-ýö­ri­şi ge­çi­ril­di we bäs­le­şi­giň je­mi­ni jem­le­me­giň wag­ty ge­lip ýet­di.
 Fran­si­ýa­nyň ahal­te­ke at­çy­lyk as­so­sia­si­ýa­sy­nyň wi­se-pre­zi­den­ti Tat­ýa­na Fol­let Hal­ka­ra ahal­te­ke at­çy­lyk sport top­lu­myn­dan Me­le­guş di­ýen me­le atyň ahal­te­ke be­dew­le­ri­niň hal­ka­ra gö­zel­lik bäs­le­şi­gi­niň ýe­ňi­ji­si diý­lip yg­lan edi­len­di­gi­ni ha­bar ber­di. Ol Türk­me­nis­ta­nyň Pre­zi­den­ti­niň Baş baý­ra­gy­na we göç­me Ku­bo­ga eýe bol­dy.
Soň­ra baý­ra­gy gow­şur­mak üçin ha­ly­pa ça­pyk­su­war­la­ryň ara­syn­da ge­çi­ri­len bäs­le­şi­giň ýe­ňi­ji­si hor­mat­ly Pre­zi­den­ti­miz Gurbanguly Berdimuhamedow ça­gy­ryl­dy.
Emin­ler to­pa­ry­nyň ýol­baş­çy­sy mil­li Li­de­ri­mi­ziň baş baý­ra­ga - “Toyo­ta Land Crui­ser Pra­do” aw­tou­la­gy­na my­na­syp bo­lan­dy­gy­ny bel­le­di. Döw­let Baş­tu­ta­ny­my­za aw­tou­la­gyň aça­ry gow­şu­ryl­dy.
Hor­mat­ly Pre­zi­den­ti­miz şu gün­ki da­ba­ra gat­naş­ýan­la­ryň äh­li­si­niň, Hal­ka­ra ahal­te­ke at­çy­lyk as­so­sia­si­ýa­sy­nyň ag­za­la­ry­nyň we beý­le­ki da­şa­ry ýurt­ly myh­man­la­ryň ady­na baý­ram­çy­lyk çä­re­le­ri­ne iş­jeň gat­naş­ýan­dy­gy üçin min­net­dar­lyk sö­zü­ni aýt­dy.
Ahal­te­ke at­çy­lyk sport top­lu­myn­da ge­çi­ri­len da­ba­ra­nyň ahy­ryn­da “Öňe, di­ňe öňe, jan Wa­ta­nym Türk­me­nis­tan!” di­ýen aý­dy­myň ru­hu­be­lent­lik bi­len ýe­ri­ne ýe­ti­ril­me­gi baý­ram­çy­lyk da­ba­ra­sy­na öz­bo­luş­ly öwüş­gin çaý­dy. 
 ***
 Ahal we­la­ýa­ty­nyň Ak bug­daý et­ra­byn­da gur­lan Hal­ka­ra ka­ran­tin mer­ke­zi­niň açy­lyş da­ba­ra­sy hem Türkmen bedewiniň baýramyna ga­bat­lan­dy. 
 Ge­çen ýyl be­hiş­di be­dew­le­ri­mi­ziň hor­ma­ty­na gu­ra­lan da­ba­ra­la­ryň mak­sat­na­ma­sy Aş­ga­bat at­çy­lyk sport top­lu­myn­da kon­kur ma­ne­ži­niň, şeý­le hem Ahal we­la­ýa­ty­nyň Gök­de­pe et­ra­by­nyň “Kä­ri­zek” ge­ňeş­li­gin­de gur­lan Hal­ka­ra ahal­te­ke at­çy­lyk sport top­lu­my­nyň we Aba An­na­ýew oba­sy­nyň açyl­ma­gy­ny öz içi­ne al­dy. Şu ýyl bol­sa 120 baş aty sak­la­ma­ga ni­ýet­le­nen Hal­ka­ra ka­ran­tin mer­ke­zi ýur­du­my­zyň at­çy­lyk pu­da­gy­nyň dü­zü­mi­niň üs­tü­ni ýe­tir­di.        
 Ýur­du­myz­da Hal­ka­ra ka­ran­tin mer­ke­zi­niň açyl­ma­gy to­hum we sport at­çy­ly­gy­nyň top­lum­la­ýyn dü­zü­mi­ni has-da ös­dür­mek­de, türk­men hal­ky­nyň buý­san­jy bo­lan ahal­te­ke be­dew­le­ri­niň dün­ýä şöh­ra­ty­ny art­dyr­mak­da, da­şa­ry ýurt­ly hyz­mat­daş­lar bi­len ne­ti­je­li gat­na­şyk­la­ry gi­ňelt­mek­de no­bat­da­ky ädim bol­dy.  

Kärhanalarymyz

Reklama

KOMPÝUTER tilsimaty merkezi

Tel: +993 12 93 40 50 Faks: +993 12 93 40 60 Sal­gy­sy: Aş­ga­bat ş. Mag­tym­gu­ly şa­ýo­ly, 111 «A» jaý. E-ma­il: tdsoft@on­li­ne.tm, Web­saýt: www.cct.com

«Türkmenetsüýtsöwda» döwlet lomaý-bölek söwda firmasy ýokary hilli et-ýapma we şöhlat önümlerini amatly bahalardan satýar.

Salgysy: Aşgabat şäheriniň Şamämmet Suhangulyýew (1930) köçesiniň 1-nji jaýy

Tel: 76-02-22; 76-04-73. Faks: 76-19-05.